არტემ ჯიჯიხია (დ. 1 იანვარი, 1874, – გ. 31 დეკემბერი, 1938), ქართველი სამხედრო მოღვაწე, გენერალი (1919).
სწავლობდა თბილისის სასულიერო სემინარიაში; 1897 წ. კი დაამთავრა თბილისის ქვეით იუნკერთა სასწავლებელი პოდპორუჩიკის წოდებით. 1893 წლიდან ირიცხებოდა სამხედრო სამსახურში. წლების მანძილზე მსახურობდა თურქესტანში; ავტორია რეგიონის რამდენიმე მნიშვნელოვანი აღწერილობისა. 1907 წ. მიენიჭა კაპიტნის წოდება. 1910 წლიდან მსახურობდა პოლონეთში. მონაწილეობდა პირველ მსოფლიო ომში; იბრძოდა აღმოსავლეთ პრუსიაში და ტყვედ ჩავარდა რუსეთის მე-15 არმიული კორპუსის კაპიტულაციის დროს 1914 წ. შემდგომში მსახურობდა დამოუკიდებელი საქართველოს შეიარაღებულ ძალებში (1918-1921). სომხეთ-საქართველოს ომის შემდეგ მიენიჭა გენერლის წოდება (1919). საბჭოთა რუსეთის თავდასხმის დროს, 1921 წ. თებ., ხელმძღვანელობდა შემტევ ჯგუფს ლილოს ფრონტზე. საქართველოს გასაბჭოების შემდეგ აქტიურ მოღვაწეობას ჩამოშორებული იყო. დახვრიტეს სტალინის ბრძანებით 1938 წ.
|